Dárigerler: Lınza taǵý - soqyr qylady
ASTANA. QazAqparat - Lınzany kúnine 8 saǵattan artyq taǵýǵa bolmaıdy, biraq keı adamdar táýligine odan áldeqaıda kóp ýaqyt taǵýdy ádetke aınaldyrǵan.
Kózdiń qasań qabyǵy - adamnyń ottegin qannan emes, aýadan alatyn jalǵyz múshesi. Al, uzaq ýaqyt lınza taǵýdyń kesirinen kózdiń qarashyǵyna ottegi jetispeı qalady. Bunyń qandaı kesir tıgizip jatqanyn adam ózi baıqaı almaıdy, ony tek mıkroskoppen arnaıy maman ǵana anyqtaıdy.
Kózdiń qasań qabyǵyna aýa jetpegen soń, organızm bul máseleni óz betinshe sheshýge umtylady. Osylaısha kózge tamyr ósedi. Al, qasań qabyq basqasha «shynaına» dep atalady. ıAǵnı, bul qabyq móldirep turýy tıis. Onyń móldirligi buzylsa kóz kórýi tómendeıdi.
Bul úderis bir kúnde bola qalmaıdy. Qıyny sol, adam ony eń sońǵy sátte baıqaıdy. Biraq ol kezde óte kesh bolyp ketýi múmkin.
Dárigerler burynǵy lınzalardyń ornyna keıin shyqqan sılıkon-geldi lınzalardy qoldanýǵa keńes beredi. Onyń aýa ótkizgish qasıeti bar. Sońǵysyn paıdalanǵan jaǵdaıda soqyr bolyp qalý qaýpi áldeneshe ese tómendeıtin kórinedi, dep jazady day.az.
