Dárigerler Qyzylordada jeńil kólik qaǵyp ketken oqýshynyń jaǵdaıy týraly aıtty

QYZYLORDA. QazAqparat - Qyzylorda qalasynda dárigerler júrginshiler jolynda jeńil kólik qaǵyp ketken oqýshy qyzdyń jaǵdaıy týraly aıtty, dep habarlaıdy QazAqparat tilshisi.

Aıta ketsek, Qyzylorda qalasyndaǵy ortalyq kósheniń birinde jeńil kólik júrginshiler jolynda 10 jasar oqýshy qyzdy qaǵyp ketken bolatyn .

«Jol apatynan keıin ol birden oblystyq kópbeıindi aýrýhanaǵa jetkizildi. Jaǵdaıdy baǵalaǵannan keıin dárigerler ony jansaqtaý bólimine jatqyzdy. Jasóspirimge barlyq qajetti medıtsınalyq kómek kórsetildi. Ol túrli jaraqat alǵan. Dárigerlerdiń tájirıbesiniń arqasynda búginde ol ózine kelgen. Qazir ol jalpy bólimge aýystyryldy. Onyń janynda anasy bar. Jaǵdaıy jaqsy. Qyzdyń ómirine qaýip tónip turǵan joq», - dep málim etti Qyzylorda oblystyq balalar aýrýhanasynan.