Dárigerler qutyrǵan tıinmen oınaǵan balalardy qatań baqylaýǵa aldy
ASTANA. 24 maýsym. QazAqparat - Reseıdiń sanıtarlyq qyzmeti Pskov oblysynda qutyrýdan ólgen tıinmen oınaǵan balalardyń densaýlyǵyn qatań baqylaýǵa aldy,
dep habarlaıdy Interfaks.
RF bas memlekettik sanıtar dárigeri Gennadıı Onışenkonyń aıtýynsha, Pskov oblysynyń Pechorskıı aýdanyndaǵy jazǵy saýyqtyrý lageriniń qyzmetkerleri salaqtyq tanytyp, balalardyń tıinmen oınaýyna jol bergen. «Tıin óli tabyldy. Medıtsına beketiniń dárigerleri ony tekserýge jiberdi. Ol qutyrýdan ólgeni belgili bolyp otyr», - dedi ol.
Onyń sózine qaraǵanda, bul ýaqytta balalar lagerden úılerine ketip qalǵan. Tıinmen oınaǵan 20 bala anyqtalyp, olarǵa arnaıy ekpe jasalǵan.
