Dárigerler koronavırýstyń balalar arasynda taralý jaǵdaıyna túsinik berdi
«Oqý jyly bastaldy, oqýshylar, stýdentter dástúrli oqý formatyna oraldy. Árıne, bul barlyǵymyzǵa qýanyshty jańalyqtardyń biri boldy. Egerde jaz aılardaǵy jaǵdaı qaıtalanbasyn desek, densaýlyqty saqtaý máselerine tıisti mán berýimiz qajet. Bilim berý mekemelerinde balalar arasynda aýrýdyń órshýine jol bermeýimiz kerek. Ol úshin ata-analar men muǵalimder vaktsına alý tıis. Júrgizilip jatqan vaktsınatsııalaý ózińizdi jáne balalardy indetti juqtyryp alýdan qorǵaıdy. Oqý jylynyń bastalýymen qala mektepterindegi medıtsına qyzmetkerleri oqýshylarǵa nusqaýlyq júrgizip, balalarǵa epıdemıologııalyq talaptardyń saqtalýyna mán berip otyr. Qol gıgıenasynyń mańyzdylyǵy, betperde taǵý týraly túsindirmeli jumystary aldaǵy ýaqytta da jalǵasyn tabady», - dedi Jeleýhan Primqulov onlaın brıfıngide.
Onyń aıtýynsha, syrqattanýshylyqtyń ósýi jaz mezgilinde baıqaldy. Maýsym aıynan bastap balalar aıqyn kóringen klınıkalyq belgilermen túse bastady.
«Balalardyń otbasyndaǵy ekpe almaǵan adamdarmen baılanystan soń aýyra bastaǵany baıqaldy. ıAǵnı birinshi kezekte vaktsına saldyrmaǵan týystary men jaqyndary óz balalaryna juqtyryp alyp júr. Qazirgi kezde KVI-dyń oń nátıjesi bar 43 bala statsıonarlyq em qabyldap jatyr. Reanımatsııa bólimshesinde balalar bizde joq. Jyl basynan beri KVI-men 10 myńnan astam bala aýyryp shyqty», - dedi basqarma ókili.