Dárigerler koronavırýstan jazylyp shyqqandar týraly aıtty - Almaty
ALMATY. QazAqparat - Almatyda COVID-19-dan saýyǵyp shyqqan taǵy eki patsıent úıine shyǵaryldy. Bul týraly qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
«31 jastaǵy er adam jáne 30 jastaǵy áıel buǵan deıin vırýs anyqtalǵan patsıentpen baılanysta bolǵan, ekeýi de 13 naýryzda Máskeý-Almaty reısimen ushyp kelgen. 31 jastaǵy jigittiń aýrýy jeńil ótti. Al áıeldiń aýrýy ortasha dárejede ótti. Oǵan oń jaqty ústińgi aımaqtyń bronh demikpesi degen dıagnozy qoıyldy. Búgin eki patsıenttiń de jaǵdaıy jaqsaryp ekeýi de 14 kúndik úı karantınine shyǵaryldy», - dedi basqarma basshysy.
Jalpy Almatyda osymen 23 adam jazylyp shyqty.
