Dárigerler koronavırýs juqtyrǵan aqtóbeliktiń jaǵdaıyn aıtty
AQTÓBE. QazAqparat - Koronavırýs juqtyrǵan aqtóbeliktiń jaǵdaıy qanaǵattanarlyq. Ushaq bortynda onyń janynda otyrǵan 4 adam ınfektsılyq aýrýhanada jatyr, vırýs anyqtalmady, dep habarlaıdy QazAqparat tilshisi.
Aqtóbede barlyǵy 67 adam aýrýhanadaǵy karantınde jatyr. Olardyń 10-y ınfektsııalyq aýrýhanada bolsa, ózgesi arnaıy daıyndalǵan emdeý mekemelerinde.
«Koronavırýs juqtyrǵan naýqastyń jaǵdaıy birqalypty. Onyń janynda bolǵan tórt adam ınfektsııalyq aýrýhanada jatyr. Sonymen qatar ushaq bortynda bolǵan 33 adam eki apta boıy karantınde bolady, taǵy on kún úıinde baqylaımyz. Oblysta 82 adam úı karantıninde. Almaty, Nur-Sultan qalalarynan kelgenderdiń de tizimi bar. Dárigerlerdiń daıyndyǵy pysyqtalǵan. Qazir oblysta 120 jasandy tynys alý apparaty jumys istep tur», - dedi oblystyq densaýlyq saqtaý basqarmasynyń basshysy Áset Qalıev.
Aıta keteıik, Aqtóbe oblysy 4,5 mıllıon medıtsınalyq maskaǵa tapsyrys berdi. Alǵashqy bóligi osy aptada jetkizilip, áleýmetttik jaǵynan osal topqa tegin taratylady.
