Dárigerler koronavırýs naýqastarynda jıi kezdesetin aýrýlardy atady
«2021 jyldyń 14 shildesindegi jaǵdaı boıynsha, 922 naýqas aýyr jáne óte aýyr jaǵdaıda jansaqtaý bóliminde jatyr. Eń joǵary kórsetkish Nur-Sultan men Almatyda, Qaraǵandy, Aqmola jáne Batys Qazaqstan oblystarynda baıqalady», - dedi QR DSM statsıonarlyq jáne statsıonardy almastyratyn medıtsınalyq kómek basqarmasynyń bas sarapshysy Baýyrjan Satybaldy OKQ brıfınginde.
Spıker medıtsınalyq uıymdarda jatqan naýqastardyń 90%-ynda sozylmaly, keıde 2-3-ten astam ilespe aýrýlar bar ekenin atap ótti.
«Naýqastar arasynda eń jıi kezdesetin aýrýlar – arterıaldy gıpertenzııa (47%), ókpeniń sozylmaly obstrýktıvti aýrýy (11%), júrektiń ıshemııalyq aýrýy (10%) jáne qant dıabeti (9%) kezdesedi. Aýyr jáne óte aýyr jaǵdaıdaǵy 922 naýqastyń 57,5%-y 66 jastan asqan. Búginde 100 naýqas nemese 13% ókpeni jasandy jeldetý apparatyna qosylǵan», - dedi Baýyrjan Satybaldy.