Dárigerler kópirden qulaǵan qyzdyń jaǵdaıy týraly aıtty
ALMATY. QazAqparat - Kópirden qulaǵan boıjetkenniń ómirin saqtap qalý úshin dárigerler baryn salyp jatyr, dep habarlaıdy QazAqparat tilshisi.
Qalalyq Densaýlyq saqtaý basqarmasynyń baspasóz qyzmeti habarlaǵandaı, qońyraý túski saǵat 13:00 shamasynda Altyn Orda bazary mańynan túsken. Oqıǵa ornyna 8/90 qarqyndy terapııa brıgadasy jetti. Japa shekken boıjetken qalalyq №7 aýrýhanaǵa jetkizildi.
«Aýrýhanada reanımatolog, neırohırýrg, travmatolog, hırýrg mamandar patsıentti tekserdi. Onyń jaǵdaıy óte aýyr dep baǵalanyp otyr. Qazirgi tańda barlyq dıagnostıkalyq sharalar jasalyp jatyr. Patsıent jasandy tynys alý apparatyna qosyldy», - dedi baspasóz qyzmetinen.
Eske sala keteıik, búgin boıjetken Altyn Ordadaǵy jaıaý júrginshiler kópirinen qulap ketken bolatyn. Іle-shala jerde jatqan qyzdy kólik qaǵyp ketkendigi týraly buǵan deıin habarlaǵan bolatynbyz.
