Dárigerler qolyn et tartqyshqa týrap alǵan bir jasar balany aman alyp qaldy

TALDYQORǴAN. QazAqparat - Almaty oblysynyń dárigerleri qolyn jumys istep turǵan elektr et tartqyshqa týrap alǵan balany aman alyp qaldy, dep habarlaıdy QazAqparat.

Qazir balaǵa ota jasalyp, dárigerler balanyń qolyndaǵy barlyq tamyrlaryn jalǵap, ony qalpyna keltirdi.

«Talǵar aýdandyq ortalyq aýrýhanasynyń qabyldaý bólimine aýyr oń qol jaraqatyn alǵan bir jarym jasar bala tústi. Ol oń qolyn jumys istep turǵan elektr et tartqyshqa týrap alǵan. Operatsııa Talǵar aýdandyq ortalyq aýrýhanasynyń bilikti dárigerleri men operatsııalyq qyzmetkerleri jasady. Qazir naýqas búldirshin ıntensıvti terapııa bólimindegi palatada jatyr. Onyń jaǵdaıyn reanımatolog dárigerler baqylaýda»- delingen Almaty oblystyq densaýlyq saqtaý basqarmasy baspasóz qyzmetiniń habarlamasynda.