Dárigerler Kókshetaýdaǵy 19 jastaǵy fýtbolshynyń óliminiń sebebin atady
KÓKShETAÝ. QazAqparat - Dárigerler Kókshetaýda 19 jastaǵy fýtbolshy óliminiń sebebin atady, dep habarlaıdy QazAqparat tilshisi.
Aqmola oblystyq densaýlyq saqtaý basqarmasynyń málimetinshe, Roman Zıýzın 11-shi tamyz kúni Kókshetaý qalalyq kópbeıindi aýrhanasyna óte aýyr hálde tústi.
«Birden jansaqtaý bólimine jatqyzyldy. Respýblıkalyq jáne oblystyq deńgeıdegi dáriger mamandardy tarta otyryp, keshendi túrde dıagnostıka jáne emdeý sharalary qolǵa alyndy. Ókinishke qaraı, naýqastyń ómirin saqtaý múmkindigi bolmady. Ólimniń sebebi, dárigerge kesh júginý, sepsıstik jaǵdaıyn nasharlatqan asqynǵan irińdi qabyný úrdisi», dep atap ótti Aqmola oblystyq densaýlyq saqtaý basqarmasyndaǵylar.
Aıta keteıik, osyǵan deıin habarlaǵanymyzdaı, búgin Kókshetaý qalasynda jergilikti «Oqjetpes» jastar komandasynda oınaǵan 19 jastaǵy fýtbolshy kóz jumdy. Osyǵan baılanysty fýtbol klýbynyń saıtynda marqumnyń týystaryna kóńil aıtylǵan edi.
