Dárigerler kofeniń qaı mólsherden asqanda densaýlyqqa qaýipti bolatynyn aıtty
ASTANA. QazAqparat - Dárigerler kúnine erıtin kofeni tórt keseden artyq ishýge bolmaıtyny týraly eskertý jasady. Bul tipti deni saý adamdar úshin de qaýipti, dep habarlaıdy The Daily Mail. Kofeni kóp mólsherde ishý ásirese júkti áıelder men jastar úshin qaýipti, olardyń shegi - kúnine eki kese.
Jalpy alǵanda kofeındi qoldanýdyń maksımaldyq qaýipsiz deńgeıi 400 mıllıgramm belgisinde toqtalyp otyr (bir kesede kofede - 100 mıllıgramǵa jýyq). Espressonyń bir kesesinde 80 mıllıgramm kofeın bar. Alaıda keıbir kofehanalarda kofeın mólsheri artyq kofe satylady, shekten asyp ketpeý úshin bir ǵana kese jetkilikti. Taldaý kórsetkendeı, kofehanalardaǵy kofeın ónimderiniń aıyrmashylyǵy óte úlken - keıbir kezde kórsetkishter alty esege kóp.
Eýropalyq azyq-túlik ónimderiniń qaýipsizdigi agenttiginiń atap ótýinshe, eger kofeni mólsherden artyq ishse, mazasyzdyq, uıqynyń, júrek yrǵaǵynyń buzylýy oryn alady. Al júkti áıelder dúnıege salmaǵy tómen, týa bitken belgileri bar balalardy ákelýi nemese túsik tastaýy múmkin.
Aıta keteıik, kofeın tek kofeniń quramynda ǵana emes ekenin eskerý kerek. Osylaısha, shaıdyń bir kesesinde 50 mıllıgramm, Red Bull-diń bir bankasynda - 80 mıllıgramm, qara shokoladtyń kishkentaı plıtkasynda - 50 mıllıgramǵa deıin, al shokolad sútinde - shamamen 25 mıllıgramm kofeın bar. Sondaı-aq kofeındi áserdi kúsheıtý úshin aýyrýdy sezdirmeıtin dárilerge qosady.
