Dárigerler qajylyqqa baratyndardy menıngokokqa qarsy ekpe alýǵa shaqyrdy
Málim etilgendeı, qajylyqtan oralǵandardyń atalǵan indetti elge ákelý qaýpi bar.
2020 jáne 2021 jyldary kishi jáne úlken qajylyqqa nıettengender koronavırýs pandemııasynan bul rásimdi oryndaýdan bas tartýǵa májbúr boldy.
Sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵynyń dırektory Aınagúl Qýatbaevanyń aıtýynsha, menıngokokk juqpasynyń órshýi 2000 jyly boldy. Ol ýaqytta qajylyqqa barǵan 18 eldiń azamattarynan jáne olardyń jaqyndarynan menıngokokk ınfektsııasynyń 400-den astam oqıǵasy anyqtaldy.
«2018 jyly elde menıngokokk ınfektsııasy tirkeldi. Onda resmı statıstıka boıynsha 96 adam indet juqtyrdy, onyń 45-i – 18 jasqa deıingi balalar. ıAǵnı qajy tek óziniń densaýlyǵyna emes, sonymen birge otbasynyń, dostarynyń, áriptesteriniń, týystarynyń densaýlyǵyna da qaýip tóndiredi. Qajylyqqa baratyn er adamdar arasynda ınfektsııa juqtyrý 86% deıin jetedi»,- dedi dáriger.
Spıkerdiń sózinshe, bıyl epıdemıologııalyq ahýal qolaıly. Bes aıda menıngokokk ınfektsııasynyń tek 11 jaǵdaıy anyqtaldy.
2006 jyldan beri Qazaqstan musylmandary dinı basqarmasy men Saýd Arabııasynyń Qajylyq mınıstrligi arasynda kelisim bar. Oǵan sáıkes qajylar elden shyqpas buryn mindetti túrde menıngokokqa qarsy ekpe alýy tıis. 2022 jyly vaktsınatsııany elimizdiń segiz óńirinde – Atyraý, Jambyl, Qaraǵandy, Qyzylorda, Mańǵystaý oblystarynda, sondaı-aq Nur-Sultan, Almaty jáne Shymkent qalalarynda júrgizý josparlanǵan.
Aıta keteıik, bul ınfektsııaǵa qarsy ekpe aqyly, quny 26 – 46 myń teńge aralyǵynda.
Qajylyqqa barýǵa COVID-19 qarsy vaktsınalanǵan 65 jasqa deıingi adamdarǵa ruqsat etiledi.
Eske salaıyq, bıyl Saýd Arabııasy elimizden 3 myń adamǵa qajylyq paryzdy óteýge ruqsat bergenin jazǵan bolatynbyz.
QR Mádenıet jáne sport mınıstrliginiń málimetine sáıkes, 3 myń kvota konkýrs talaptaryna sáıkes kelgen 14 týroperator arasynda bólindi.
