Dárigerler Qazaqstanda tumaýǵa baılanysty jaǵdaıdyń qandaı ekenin aıtty

Sanıtarlyq dárigerlerdiń aıtýynsha, 28 jeltoqsanǵa deıin respýblıkada tumaýdyń A vırýsynyń jáne grıppozdyq emes respıratorlyq vırýstardyń (paragrıpp, rınovırýs, adenovırýs, t.b.) taralýy tirkelgen. 2017 jyldyń osy kezeńimen salystyrǵanda indettiń taralýy 8% tómendegen.

Negizinen jedel respıratorlyq vırýstyq ınfektsııalardan 14 jasqa deıingi balalar zardap shegip jatyr. Naýqannyń basynan beri respýblıka turǵyndarynyń 11,3%-yna tumaýǵa qarsy dári egilgen.

JRVI men tumaýdyń aldyn alý organızmniń qorǵanys kúshin nyǵaıtýǵa baǵyttalǵan, ol ekpemen qatar júrgizilip jatyr. Qorǵanys retinde ımmýnıtetti kúsheıtetin preparattar (anaferon, ınterferon, vıferon, ınterferon ındýktory), vırýsqa qarsy jaqpa maılar (oksalın, antıvır, t.b.), polıdárýmender paıdalanylyp jatyr.

Dárigerler JRVI-men aýyrǵan adamdardan aýlaq júrý, olarǵa jaqyndaǵanda maska kııý jáne basqa da saqtyq sharalaryn saqtaý qajettigin eskertedi.