Dárigerler Qaraǵandyda anyqtalǵan uıyma menıngıtine qatysty túsinik berdi
QARAǴANDY. QazAqparat - Qaraǵandy oblysy boıynsha Qoǵamdyq densaýlyq saqtaý departamentinde Qaraǵandydaǵy mektepterdiń birindegi oqýshyda anyqtalǵan uıyma menıngıtke qatysty túsinik berildi, dep habarlaıdy QazAqparat tilshisi.
«Oqýshy qyz statsıonarlyq emdeýde, balanyń densaýlyǵy qanaǵattanarlyq deńgeıde. Bastyń aýrýy men jelke bulshyq etteriniń qaýyrttylyǵy bilinbeıdi. Aldyn ala qoıylǵan dıagnoz - vırýsty etıologııanyń menıngıti. Laborotorııalyq zertteýdiń nátıjeleri jumysta tur», - deıdi Qaraǵandy oblysy boıynsha Qoǵamdyq densaýlyq saqtaý departamentiniń basshysy Qaırat Baımuhambetov.
Vedomstvoda atalyp ótkendeı, qazirgi ýaqytta oqýshynyń synyby boıynsha epıdemııaǵa qarsy is-sharalar, ıaǵnı shekteý sharalary júrgizilip jatyr.
Sonymen qatar, atalmysh synypta oqıtyn ózge de oqýshylar da medıtsınalyq baqylaýda. Synypta nemese mektepte ózge de karantındik sharalardy júrgizý jáne balalardy aldyn ala tekserý úshin qaratý qajettiligi joq.
Eske sala ketsek, Qaraǵandydaǵy № 102 mektep-gımnazııanyń oqýshysy uıyma menıngıtke shaldyqqan bolatyn.
