Dárigerler: Qaladaǵy shýyl densaýlyqqa zııandy
ASTANA. QazAqparat - Dúnıejúzilik densaýlyq saqtaý uıymynyń aqparatyna súıensek, adamnyń turǵyn úıiniń mańyndaǵy shý 55 detsıbelden aspaýy kerek. Odan qatty shýyl adam densaýlyǵyna aıtarlyqtaý zardap tıgizýi múmkin.
Bul týraly Rosbalt jazady.
Londondyq dáriger-ǵalymdar 7 jylǵa sozylǵan zertteý júrgizdi. Olar London qalasyndaǵy shýy kóp aýdandar men joldardyń boıyndaǵy jáne basqa jerlerdegi ólim kórsetkishterin, adamdardyń densaýlyqtaryn salystyryp kórdi.
Málim bolǵandaı, shýly M25 avtomagıstraliniń boıynda turatyn turǵyndarda qan shabý qaýpi artyp ketken. Shýly aýdandarda turatyn 8,6 mln. turǵynnyń 1,6 mln-yna osyndaý qaýip tóngeni anyqtalǵan.
