Dárigerler qaǵazsyz qujat júrgizý júıesine qashan kóshedi

ASTANA. QazAqparat - Aǵymdaǵy jyldyń sońyna deıin elimizdiń barlyq medıtsınalyq uıymdary qaǵazsyz qujat júrgizý júıesine kóshedi. Bul týraly búgin Úkimet otyrysynda 2016-2019 jyldarǵa arnalǵan «Densaýlyq» memlekettik baǵdarlamasynyń ótken jylǵy qorytyndysyn shyǵarǵan QR Densaýlyq saqtaý mınıstri Eljan Birtanov aıtty, dep habarlaıdy QazAqparat.

«Densaýlyq saqtaýdy tsıfrlyq jańartý maqsatynda  4 óńirde medıtsınalyq qujattardy qaǵazsyz júrgizý ilki  jobasy iske qosyldy. Qaraǵandy oblysynda qaǵazsyz densaýlyq saqtaý jobasy sátti  júzege asyrylyp jatqanyn atap ótken jón. Onyń aıasynda 70 myńnan astam adam mobıldi qosymshalardy paıdalýda. Osy jyldyń sońyna deıin barlyq óńirler medıtsınalyq uıymdarda qaǵazsyz qujat júrgizý júıesine aýysady», - dedi Eljan Birtanov.

Onyń dereginshe, densaýlyq saqtaý salasynda ınvestıtsııa kólemi 91 mlrd  teńgeden asatyn  161 densaýlyq saqtaý nysany paıdalanýǵa berildi.

«Jeke ınvestıtsııalardyń kólemi 2 ese ósti. Bul medıtsınalyq qyzmetter naryǵyn qaıta retteý  boıynsha qabyldanǵan sharalardyń nátıjesi  bolyp tabylady»,-  dedi mınıstr.