Dárigerler halyqtan toı-tomalaqty toqtata turýdy ótindi
NUR-SULTAN. QazAqparat –Koronavırýsqa qarsy kúresken dárigerler halyqtan toı-tomalaqty toqtata turýdy ótindi. Aq halatty abzal jandardyń atynan bul úndeýdi halyqqa Nur-Sultan qalasyndaǵy dáriger-ınfektsıonısi Quralaı Myramytova jetkizdi, dep habarlaıdy QazAqparat tilshisi.
«Koronavırýs ınfektsııasynyń alǵashqy tolqyny kezinde bárimiz bir kisideı jumylyp, indetke qarsy kúres júrgizdik. Sol kezde men jáne meniń áriptesterimniń jasaǵan eńbekteri zaıa ketpeýi úshin sizderden suraıtynymyz: saqtyq sharalaryn umytpaı, maska kıip, bolyp jatqan toı-tomalaqtardan, merekelerden alshaq bolsańyzdar deımiz. Ondaı jerlerge barmaı, bolmasa keıinge shegerýdi suraımyz. Eger siz bolyp, biz bolyp osy sharalardyń bárin saqtasaq, onda osy aýrýdan qutylamyz. Aman bolyńyzdar!», - dedi vıdeoúndeýde dáriger-ınfektsıonıst.
Aıta ketsek, Qazaqstanda pandemııa bastalǵaly 109 508 adam koronavırýs juqtyryp, onyń 105030-y jazylyp shyqty. Ókinishke qaraı indetten 1768 adam kóz jumdy.
