Dárigerler er adamnyń ómirin 15 bótelke syranyń kómegimen saqtap qaldy
ASTANA. QazAqparat - Vetnamda dárigerler 48 jastaǵy Ngýen Van Nhattyń ómirin 15 bótelke syranyń kómegimen saqtap qaldy. Bul týraly Daily Mail basylymy jazdy, dep habarlaıdy QazAqparat.
Onyń sebebi mynada, Nhattyń qanynyń quramyndaǵy metanol deńgeıi tıisti normadan 1000 ese artyp ketken. Onyń ómirin saqtap qalý úshin dárigerler aldymen úsh bótelke syra quıǵan, keıin saǵat saıyn bir bótelkeden quıyp otyrǵan. Osylaısha, dárigerler naýqas baýyrynyń metanol shyǵarýyn azaıta alǵan.
Sonymen qatar naýqastyń qanyn tazartyp otyrǵan. Dárigerlerdiń aıtýynsha, alkogol adam aǵzasyna tek eki formada - metıl spırti jáne etıl spırti túrinde túsýi múmkin. Alǵashqysy adam ómirine qaterli, óıtkeni qorytý kezinde ol totyǵyp, ýly formaldegıdke aınalady. Biraq baýyr eń aldymen syra nemese basqa da sapaly alkogoldyń quramynda bolatyn etanoldy shyǵara bastaıdy. Ekinshi sózben aıtqanda, dárigerler «ýdy ý emdeıdi» degen tásildi qoldanǵan.
Úsh apta dárigerlerdiń baqylaýynda bolǵan naýqas qulan taza aıyǵyp ketti.
