Dárigerler er adamnyń ókpesinen shyrshanyń butaǵyn alyp shyqty
ASTANA. 11 qańtar. QazAqparat - Bashqurtstandaǵy Kývatov atyndaǵy respýblıkalyq klınıkalyq aýrýhananyń hırýrgtary er adamnyń ókpesinen shyrshanyń jasyl butaǵyn alyp shyqty, dep habarlady Gazeta.Ru aýrýhana dárigeri Tımýr Nasyrovqa silteme jasap.
Naýqas aýrýhanaǵa «ókpeniń oń jaq tómengi bóligindegi irińdi isigi» dıagnozymen túsken. Rentgenge túsirip bolǵannan keıin ota jasaldy. "Hırýrg Vladımır Kamenovtyń bastaýymen ota jasaǵan bir top dárigerler azamattyń ókpesinen uzyndyǵy 5 santımetr bolatyn shyrsha butaǵyn alyp shyqqandaryna tańdandy», - dedi dáriger Nasyrov.
Bul keleńsiz jaǵdaıdyń qalaı oryn alǵanyn aq halattylar túsindire almaı otyr. Naýqastyń sózine qaraǵanda, ol shyrshadan jasalǵan sypyrǵyshtyń kómegimen monshada býǵa qyzdyrynýdy unatady eken. Butaq ókpege muryn arqyly enýi múmkin degen boljam bar. Búginde er adam aýrýhanadan shyǵýǵa ázir.
