Dárigerler emdelip jatqan patsıentterge em-dom ádisi týraly habarlaýǵa mindetti – mınıstr

NUR-SULTAN. QazAqparat – Koronavırýstan emdelip jatqan azamattardyń medıtsınalyq qyzmetkerlerden qoldanylatyn preparattar men onyń dozırovkalary týraly suraýǵa quqyǵy bar.

Bul týraly Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

«Bul árbir patsıenttiń óz quqyǵy. Ol dárigerden qandaı preparat qandaı dozırovkamen aǵzaǵa engizilgeni jatqanyn bile alady», - dedi Alekseı Tsoı OKQ-da ótken baspasóz máslıhatynda

Onyń aıtýynsha, eger patsıentter uandaı da bir quqyqtyń buzylǵanynan kúdiktense, shaǵymdanýǵa bolady.

Eske sala ketsek, buǵan deıin Alekseı Tsoı Qazaqstanda koronavırýs pen pnevmonııadan jazylǵan patsıentterdi ońaltý boıynsha arnaıy baǵdarlama iske qosylatynyn habarlaǵan bolatyn.

«Qazir bizde birqatar baǵdarlama ázirlenip jatyr. Tamyz aıynyń basynda tarıfterdi bekitip, atalǵan qyzmetti iske qospaqpyz. Ol birneshe kezeńnen turatyn bolady», - dedi Alekseı Tsoı.