Dárigerler eki búırektegi tastardy bir mezgilde alýdy úırendi
ASTANA. QazAqparat - Dárigerler bir mezgilde eki búırektegi tastardy alý boıynsha ota jasaýdy úırendi. Endi qos búırektegi tastardy alý úshin bir ǵana ota jasaý jetkilikti. Buǵan deıin aq halattylar ár búırekti tastan tazalaý úshin otany bólek jasap kelgen, dep jazady Meddaily.
Atap aıtqanda, hırýrg-dárigerler bir mezgilde eki jaqty ýreteroskopııa jasaýdy usynyp otyr. Aldymen dárigerler tastardyń ornalasýy kórsetilgen búırektiń sýretin alyp, ýreteroskoppen tastardy taýyp alady. Odan soń tastardy bólshekteıtin lazerdy paıdalanady.
Jalpy, buǵan deıin dárigerler ár búırekke jeke-jeke ota jasap kelgen bolatyn. Aıta keterligi,10-15% er adamdar men 2-7% áıelderdiń búıreginde tas bary anyqtalyp otyr. Kóbinese bul dıagnoz 30-60 jas aralyǵyndaǵy adamdarǵa qoıylady. Mamandar usynǵan jańa ádistiń kómegimen atalmysh dertke shaldyqqan naýqastardy ońaltý kezinde jıi kezdesetin táýekeldi azaıtýǵa bolady.
Búginde tyń ádiske qatysty birqatar dárigerler alańdap otyrǵandaryn jetkizdi. Olardyń pikirinshe, ota kezinde búırekke zaqym kelý qaýpi bar. Soǵan qaramastan, búginde 22 naýqasqa atalmysh ádispen ota jasalǵan. Naýqastardyń tórtten úshi nemese 92 % ota jaslaǵan kúni-aq úılerine oralsa, al qalǵan 8 paıyzynda otadan soń asqyný paıda bolǵan.
