Dárigerler densaýlyqty jaqsartatyn zattardy tizimin jasady
ASTANA. 2 qańtar. QazAqparat - Dárigerler densaýlyqty jaqsartatyn zattardy tizimin jasady. The Herald Sun jazýynsha, birinshi orynda - vıdeooıyndar. Olardyń arqasynda jasy egde tartqan adamdardyń mıy jaqsy jumys istep, onyń kognıtıvtik fýnktsııalary jaqsaryp, qysqa merzimdi eske saqtaý men zeıin qoıýy jaqsarady.
Top bolyp birge án aıtý da adamǵa birlikte bolý sezimin syılaıtynyn shved ǵalymdary anyqtady. Bul horǵa qatysýshy adamdardyń júrek qaǵysymen beınelenedi - ol mýzyka yrǵaǵymen úılestiriledi.
Toryǵýshylyq adamdardy ómirden baz keshirtip jibergenmen, alaıda ol adam ómirin uzartady, dep málimdedi 40000 adamnan saýalnama alǵan nemis ǵalymdary.
Paratsetamol aýyrǵandy basyp qana qoımaı, sonymen qatar adamdy tynyshtandyratynyn Brıtanııa Kolýmbııasy ýnıversıeti dáleldedi. Al kórkem ádebıetti oqý bireýdiń qaıǵysyna ortaqtasý kórsetkishin arttyrady, sebebi oqyrman bireýdiń ómirine alańdaıdy.
Al kúnnen qorǵaıtyn maıdy kúndelikti qoldaný terniń qartaıýyn báseńdetedi, dep sanaıdy avstralııalyq mamandar.
