Dárigerler Brýkke Golovkınmen judyryqtasýy kezinde soqyr bop qalýy múmkin ekenin aıtqan
ASTANA. QazAqparat - Dárigerler brıtandyq boksshy Kell Brýktyń qazaqstandyq Gennadıı Golovkınmen jekpe-jegin jalǵastyrǵan jaǵdaıda densaýlyǵyna eleýli zaqym kelýi múmkin edi dep esepteıdi. Bul týraly Sports.kz habarlady.
«Kell - naǵyz boksshy, biraq onyń bapkeri oıyndy toqtatyp, durys sheshim qabyldady. Áıtpese, ol qarsylasynan ústi-ústine soqqy alyp, bir kózinen aıyrylar edi», - degen pikir bildirdi dárigerler.
Jekpe-jekten keıin Kell Brýk dereý emhanaǵa attandy. Onda boksshynyń kózine zaqym kelgendigi anyqtaldy jáne oǵan ota jasaý qajettigi belgili boldy. Ota juma kúnine josparlanǵan. Brýktiń kózi odan keıin tolyq qalpyna kelýi úshin qansha ýaqyt qajet bolatyndyǵy áli habarlanǵan joq.
