Dárigerler blokposta zardap shekken úshinshi polıtseıdiń jaǵdaıyn aıtty
ALMATY. QazAqparat – Almatyda blokpostta bolǵan jol apatynda zardap shekken polıtsııa qyzmetkeriniń jaǵdaıy belgili boldy, dep habarlaıdy QazAqparat tilshisi.
Qalalyq qoǵamdyq densaýlyq basqarmasynyń habarlaýynsha, patsıent №7 qalalyq klınıkalyq aýrýhanaǵa jetkizilgen.
«Tekserý barysynda kompıýterlik tomografııa nátıjesinde qosarlasqan jaraqat, basynyń shúıde bóliginiń jaraqaty, mı soqqy alǵany anyqtaldy. Bas súıeginiń artqy bóligine qan ketken. Bet súıeginiń sol jaǵy synǵan. Basynyń, betiniń, beliniń jumsaq tinderi soǵylǵan. Neırohırýrgtardyń konsılıýmy ótkizildi. Nátıjesinde bas súıegi ashylyp, uıyǵan qan alyndy. Qazir jaǵdaıy aýyr. Jansaqtaý bóliminde jatyr», - dedi №7 aýrýhana bas dárigeriniń hırýrgııa boıynsha orynbasarynyń mindetin atqarýshy Ildar Qurmaev.
