Dárigerler bıik óksheniń qandaı zııany baryn aıtty
ASTANA. QazAqparat - Alabama (AQSh) ýnıversıtetinde júrgizilgen zertteý sońǵy 10 jylda bıik óksheniń kesirinen adamdardyń jaraqat alýy eki esege óskenin kórsetti. Ǵalymdar áıelder arasynda ekiniń biri bıik ókshe kıe otyryp, basyn qandaı qaterge tigetinin jete túsine almaıdy deıdi.
Bul týraly Rosbalt jazady.
Olar 2002-2012 jyldar arasynda bıik ókshe saldarynan bolǵan jaraqattardy zerttegen. Osy on jyl ishinde 123355 adam jaraqat alǵany anyqtalǵan. Tek 2011 jyldyń ózinde bundaı oqıǵalardyń sany 19 myńnan asqan. Kóbine bundaı oqıǵaǵa 20-29 jas aralyǵyndaǵy bıkeshter ushyrap kelgen.
Jaraqat alǵandardyń 80 paıyzy ókshesin nemese qyzyl asyǵyn taıdyryp alǵan. 20 paıyzy tize, omyrtqa, ıyq, basy jáne moıynyna zaqym alǵan. Osylardyń 50 paıyzdaıy sińirin sozdyryp alsa, 19 paıyzy ár túrli jerlerin syndyryp alǵan.
