Dárigerler «Baısat» bazarynda zardap shekkenderdiń jaǵdaıy týraly aıtty
ALMATY. QazAqparat - Almaty densaýlyq saqtaý basqarmasynyń bas hırýrgi Nurjan Isabekov oqıǵa kezinde 16-18 jáne 50 jastaǵy eki adamnyń zardap shekkenin aıtty. Olardyń biri aýrýhanaǵa jatýdan bas tartty, ekinshisi №4 qalalyq klınıkalyq aýrýhanaǵa jetkizildi.
«Onyń býyny synǵan. Naýqas ýchaskelik dárigerdiń baqylaýyna alynyp, ambýlatorııalyq emdelýge úıine jiberildi», - dep habarlady dáriger.
Ol sondaı-aq naýqastardyń aıtýynsha, ekeýi de bazarǵa zat alý úshin kelgen.
Eske salsaq, oqıǵa 20 qarashada oryn aldy. Almaty TJD-nyń aqparatyna sáıkes («Baısat» bazarynda ydys-aıaq satatyn qatary) aýmaǵy 720 sharshy metr saýda konteınerleri arasyn jaýyp turatyn temir aspa qıraǵan. Eki adam «103» qyzmetine medıtsınalyq kómekke júgingen. Zardap shekken eki adam da aýrýhanaǵa jetkizilgen.
