Dárigerler batýttan zardap shekken balalardyń jaǵdaıy týraly aıtyp berdi
ASTANA. QazAqparat - Elordada batýtpen bolǵan jaǵdaıdan zardap shekken tórt balanyń bireýi jansaqtaý bóliminen travmatologııaǵa aýystyryldy, dep habarlaıdy QazAqparat.
«Balalardyń (úsheýiniń) jaǵdaıy aýyr. Bireýiniń densaýlyq jaǵdaıy turaqtanǵan soń, ony travmatologııa bólimine aýystyrdyq», - dep habarlandy №2 qalalyq balalar aýrýhanasynan.
Dárigerlerdiń sózine qaraǵanda, zardap shekken balalardyń jaǵdaıymen tanysý úshin Astana ákimi Áset Isekeshev keldi.
Aıta keteıik, «Jannur» saýda ortalyǵynyń aýmaǵynda balalar oınap jatqan batýtty jel ushyryp áketti.
QR ІІM TJ komıtetiniń málimetinshe, batýt bekitilgen jerden 20 metr qashyqtyqqa jyljyp ketken. Osy oqıǵanyń saldarynan 5 bala aýrýhanaǵa jetkizildi. Oqıǵa boıynsha tergeý jumystary bastaldy.
Búginge deıin Astanada batýttyń aýdarylýynan zardap shekken 4 balanyń jaǵdaıy aýyr ekenin habarlanǵan edi.
