Dárigerler basyna 2 oq qadalǵan kókshetaýlyqty aman alyp qaldy
KÓKShETAÝ. QazAqparat - Aqmola oblysynyń dárigerleri 39 jastaǵy kókshetaýlyqtyń basyna qadalǵan eki oqty alyp, ómirine arasha tústi, dep habarlaıdy QazAqparat tilshisi.
Oblystyq densaýlyq saqtaý basqarmasynyń málimeti boıynsha, ótken aptada Aqmola oblystyq aýrýhanasyna 1978 jylǵy M.K Shangın esimdi er adam túsken. Naýqastyń murynnyń tereń qýysyna eki oq qadalyp qalǵan. 
«Jaǵdaı nasyrǵa shapsa, naýqas kózinen aıyrylyp qalýy nemese kóz jumýy múmkin edi. Degenmen, dárigerlerdiń biliktiligi men kásibı sheberliginiń arqasynda naýqasqa endoskopııa jolymen, ıaǵnı tiliksiz ota jasalynyp, basyna qadalǵan eki oq alyndy. Qazirgi kezde naýqastyń jaǵdaıy aýyr, turaqty», - dep túsindirdi Aqmola oblystyq aýrýhanasy bas dárigeriniń orynbasary Dmıtrıı Chaıkov.
Al, naýqastyń basyna oq qalaı tıdi? Oblystyq ІІD baspasóz qyzmetiniń málimetine qaraǵanda, zardap shegýshi úıine ylǵı araq iship kelip, janjal shyǵaratyn kórinedi. Osyndaı janjaldyń birinde ashýǵa býlyqqan 1947 jyly týǵan ákesi ulyn myltyqpen bas tusynan eki ret atyp jibergen.
«Qazirgi kezde, osy oqıǵa baılanysty qylmystyq iz qozǵalyp, oqıǵanyń mán-jaıy anyqtalyp jatyr», - dedi ІІD baspasóz qyzmetindegiler.
