Dárigerler Barak Obamaǵa dıagnoz qoıdy
ASTANA. QazAqparat - Dárigerler tamaǵy aýyryp júrgen AQSh Prezıdenti Barak Obamanyń qyshqyldyq reflıýksin tekserdi, dep habarlaıdy Reuters-ke silteme jasaǵan Lenta.ru.
«Prezıdent dıagnozy qyshqyldyq reflıýkske tán jumsaq ulpalardyń qabynýy», - dep atap ótti memleket basshysynyń emdeýshi dárigeri Ronnı Djekson.
Ol Obamanyń sońǵy eki apta boıy tamaǵynyń aýyrǵanyn atap ótti. Onyń aıtýynsha, memleket basshysyna tıisti em taǵaıyndalady.
6 jeltoqsan kúni Obama dárigerdiń keńesimen Ýolter Rıd atyndaǵy AQSh qarýly kúshteriniń medıtsınalyq ortalyǵyna kórinýge bardy. Emhanada Djeksonnyń qatysýymen onyń tamaǵyn otolarıngolog mamany qarap shyǵyp, odan keıin memleket basshysyna kompıýterlik tomografııa jasaldy. CNN-niń atap ótýinshe, qaralý 28 mınýt ýaqytty alǵan.
AQSh-tyń barlyq prezıdentteri úshin mindetti medıtsınalyq qaralýdan Obama aǵymdaǵy jyldyń mamyr aıynda ótken bolatyn. Onda Djekson 53 jastaǵy prezıdenttiń densaýlyǵynyń jaqsy ekenin aıtty. Memleket basshysynyń jaqsy fızıkalyq qalpynda bolýyn ol kúndelikti jasaıtyn dene shynyqtyrýmen, jaqsy tamaqtanýmen jáne temeki shegýden bas tartýmen túsindirgen.
