Dárigerler: balyq eti kúızelisten arylýǵa kómektesedi
ASTANA. QazAqparat - Balyq jáne teńiz ónimderin tutynýdy nusqaıtyn dıeta adamdy kúızelisten aryltyp, ózin baqytty sezinýge kómektesedi. Avstralııalyq ǵalymdar bul tujyrymǵa kúızeliske ushyraǵan ár jastaǵy 82 eriktiniń ústinen júrgizgen zertteýden keıin keldi.
Birinshi kezekte adamdardyń basym bóliginde depressııa fast-fýd, tátti taǵamdar men etti mólsherden tys tutynyp, durys tamaqtanbaýdan bastalǵan. Bulaı tamaqtaný júrek-qan tamyrlary aýrýlaryn týdyrý qaýpin arttyryp qana qoımaı, gormonǵa jáne mı qyzmetine áser etedi.
Durys tamaqtanbaǵan kezde mı nárli zattardy jetkilikti ala alamaı, saldarynan qan aınalymy nasharlaıdy. Sonyń kesirinen kóńil-kúıi túsip, kúızeliske ushyraıdy, al tipti asqynǵan jaǵdaıda psıhıkalyq aýrýlarǵa shaldyǵady, dep habarlady Kedem.
