Dárigerler balanyń ókpesinen tiri balyq tapty
ASTANA. 6 maýsym. QazAqparat - Úndilik hırýrgter ǵajaıyp operatsııa jasady. Olar 12 jasar balanyń ókpesinen tiri balyqty alyp shyqty.
Bul týraly brıtandyq The Sunbaslymyna silteme jasaı otyryp RosBıznesKonsaltıng habarlady.
Úndistannyń turǵyny Anıl Barela bulaqtyń janynda oınap júrgende balyqty jutyp qoıǵan. Ol buryndary da osylaı istegen. Alaıda bul joly balyq asqazanǵa emes, balanyń ókpesine baryp, turyp qaldy.
Sonyń saldarynan balanyń qanyndaǵy aýa qysymy kúrt tómendep, tunshyǵa bastaǵan. Balanyń ata-anasy ony aýrýhanaǵa jetkizgen.
Dárigerler rentgen jasap balanyń denesinde balyq bar ekendigin kórgen. Osydan keıin balaǵa shuǵyl ota jasalǵan. Hırýrgııalyq operatsııa 45 mınýtqa sozylǵan, adam aıtsa sengisiz ókpeden alynǵan balyq tiri bolyp shyqty.
Balaǵa operatsııa jasaǵan dáriger Pramod Djhavar málim etkendeı, ol mundaı jaǵdaıǵa 20 jyl ishinde birinshi ret tap bolǵan.
