Dárigerler: Aıyna bir ret ashyǵý densaýlyqqa paıdaly
ASTANA. QazAqparat - Amerıkalyq dárigerler aıyna bir ret ashyǵýdyń ózi adam densaýlyǵyna paıdaly degen tujyrymdamaǵa keldi. Olardyń aıtýynsha, bir kún tamaq ishpeı, ashyqqan adamnyń júrek-qan tamyrlary aýrýlaryna shaldyǵý qaýipi 40 paıyzǵa azaıady eken.
Atap aıtqanda, demikpesi bar adamdar úshin ashyǵý olarda jıi bolatyn ustamanyń azaıýyna septigin tıgizedi. Mamandardyń paıymynsha, ásirese ashyqqan kezde aǵzada bolatyn «jeńil» kúızelis ımmýnıtettiń jaǵdaıyna oń áser etip, qaterli istiń paıda bolýynan saqtaıdy.
Amerıkalyq dárigerler adamdarǵa densaýlyqty saqtaý úshin bir táýlik ashyqpasa da, tańǵy as pen keshki asty ishpegenniń ózi jetkilikti dep otyr. Eń bastysy, ashyqqan kezde sýdy kóp ishken abzal. Sebebi, aǵzaǵa qajetti suıyqtyqtyń jetkilikti mólsherde bolýy shart, dep jazady Rosbalt.
