Dárigerler Atyraýda 3-qabattan qulaǵan egizdiń syńarynyń jaǵdaıyn aıtty
ATYRAÝ. QazAqparat – Atyraýda 3-qabattan qulaǵan egizdiń syńary hırýrgııa bóliminde jatyr, dep habarlaıdy QazAqparat.
Buǵan deıin Atyraýda 1 jasar egiz balalar 3-qabattaǵy terezeden qulap, bireýi kóz jumǵan edi.
Sol kezde egizdiń anasy jumysqa ketip, ákesi uıyqtap qalǵan.
Oblystyq densaýlyq saqtaý basqarmasynyń baspasóz qyzmetinen málim etkendeı, qazir egizdiń syńary aýrýhananyń hırýgııa bóliminde jatyr.
«Dárigerler egizdiń syńaryn tolyq dıagnostıkadan ótkizdi. Naýqas balaqaıdyń baýyry men búıregi zaqymdanǵan. Sol qoly synǵan. Qazir jaǵdaıy jaqsara bastady. Oǵan aýrýhananyń hırýrgııa bóliminde qajetti em-domnyń kórsetilýde» -dep habarlady basqarmanyń baspasóz qyzmeti.
