Dárigerler Arysta zardap shekken áskerı qyzmetshilerdiń jaǵdaılaryn málim etti

NUR-SULTAN. QazAqparat - Arysta zardap shekken áskerı qyzmetshilerdi Almaty qalasyndaǵy Áskerı-klınıkalyq gospıtaldiń beıindi bólimshesine aýystyrdy. Bul týraly hırýrgııalyq jumys boıynsha áskerı medıtsınalyq mekeminiń basshysy, medıtsınalyq qyzmettiń polkovnıgi Omarov Ǵalymjan málimdedi.

Onyń sózine qaraǵanda, búgingi tańda naýqastardyń jaǵdaıy qanaǵattanarlyq. Olardyń barlyǵy áskerı gospıtaldiń beıindi bólimshesine aýystyryldy. Oqıǵadan keıin áskerı qyzmetshiler áskerı avıatsıanyń medıtsınalyq mekemesine jedel túrde jetkizildi. Ol óz kezeginde ýaqtyly qajetti medıtsınalyq kómekti kórsetýge, sondaı-aq tez arada ońalýǵa jaǵdaı jasady.

21 qyrkúıekte tótenshe jaǵdaı saldaryn joıý jəne arnaıy jabdyqtalǵan polıgonnyń aýmaǵynda (Arys qalasynan 60 shaqyrym jerde) josparly jarý jumystary barysynda oq-dəri fragmentiniń ózdiginen jarylysy oryn alǵanyn esterińizge sala keteıik.

Nátıjesinde kelisimshart boıynsha arnaıy daıyndalǵan 10 saper-áskerı qyzmetshi jaryqshaqtan jaralanǵan bolatyn.