Dárigerler An-28 ushaǵy apatynan qaza tapqandardyń otbasylaryna bir kúndik jalaqylaryn aýdardy
«Materıaldyq kómekke qatysty aıtar bolsam, eń birinshiden, zańnamada avıatsııamen tasymaldanatyndardyń ómirin saqtandyrý qarastyrylǵan. Soǵan sáıkes qaza tapqandardyń barlyǵyna zańmen saqtandyrý tólenedi. Bul zańnama talaby. Densaýlyq saqtaý mınıstrligi jelisinde mınıstrliktiń tikeleı bıýdjetinen materıaldyq kómek kórsetpeımiz. Óıtkeni, mundaı shyǵystar qarastyrylmaǵan», - dedi ol.
Degenmen Birtanovtyń aıtýynsha, Densaýlyq saqtaý mınıstrliginiń barlyq qyzmetkerleri óz erikterimen bir kúndik jalaqylaryn aýdarǵan.
«Buǵan qosa, elimizdegi barlyq derlik medıtsınalyq uıymdar osyndaı nıetteri bar ekendigin bildirdi. Alǵashqy kúnnen-aq esepshot nómirin surady. Medıtsına qyzmetkerleri kásipodaǵymen kelisimge sáıkes bul qarajat qaza tapqandardyń otbasylaryna beriledi», - dedi mınıstr.
Sonymen qatar ol ushaqtyń apatqa ushyraýyn tergeý isine birneshe vedomstvo qatysyp jatqanyn aıtty.
«Sanıtarlyq avıatsııa ushaǵynyń apatqa ushyraýyna baılanysty qylmystyq is qozǵalǵanyn ózderińizde bilesizder. Birneshe vedomstvo baǵytynda tergeý júrgizilýde. Atap aıtqanda, QR IDM ushýlardyń qaýipsizdigi, Eńbek jáne halyqty áleýmettik qorǵaý mınıstrligi óndiriste adamdardyń ólimi baǵytynda júrgizýde. Sonymen qatar bizde Densaýlyq saqtaý mınıstrliginiń sapaly medıtsınalyq kómek kórsetý boıynsha qoldanystaǵy normatıvtik qujattardyń saqtalýy jónindegi ishki komıssııa quryldy», - dedi Birtanov.