Dárigerler altyaıaqty uldyń ómiri úshin kúresýde
ASTANA. 18 sáýir. QazAqparat - Juma, 13 sáýir kúni Pákistannyń Sýkkýr qalasynda alty aıaǵy bar náreste dúnıege keldi, dep habarlaıdy Ýtro.rý.
Bala jergilikti gospıtaldardyń birinde jumys isteıtin Imran Sheıhtyń otbasynda dúnıege keldi. Bosaný aýyr bolǵandyqtan áıelge kesar tiligin jasaýǵa týra kelgen. The Daily Mail -dyń jazýynsha, qazirgi kezde anasy men balasy ózderin jaqsy sezinýde.
Dárigerler náresteniń jaǵdaıyn baqylap, onyń artyq aıaqtaryn alyp tastaý boıynsha otany ótkizýge daıyndalýda. Aqshany balanyń ata-anasy qarjylyq kómek kórsetýdi surap barǵan - jergilikti bılik tóleıdi. Alǵashqy ret náresteli bolǵan áke aıyna 6 myńǵa jýyq rýpıı (3,5 myń rýbl) tabys tabady, sondyqtan dárigerlerge jumystary úshin aqsha tóleýge otbasynyń múmkindigi joq. Otanyń baǵasy 200-den 300 myń AQSh dollaryna deıin turady.
Dárigerler artyq aıaqtar genetıkalyq mýtatsııanyń saldary, ne anasynyń qursaǵynda damymaı qalǵan parazıt-egizderge tıesili ekendigin anyqtaıtyn bolady. Birqatar faktor birinshi boljamǵa jaqyn keledi, sebebi balanyń ákesi qyzmeti boıynsha rentgen apparatymen jıi jumys isteıdi. Onymen qosa, ol áıelimen jaqyn týystar - nemereli aǵa-qaryndas bolyp tabylady.
2007 jyly Úndistanda esimin Lakshmı Tatma dep qoıǵan qyz bala dúnıege kelgen edi. Onda artyq eki qol men eki aıaq boldy. Úsh jyldan keıin, olardy kesip alyp tastaý boıynsha 36 hırýrg dárigerdiń jasaǵan operatsııasy sátti ótti.
