Dárigerler Almatyda moped qaǵyp ketken sábıdiń jaǵdaıy týraly aıtty
ALMATY. QazAqparat - Dárigerler Almatyda moped júrgizýshisi qaǵyp ketken balanyń jaǵdaıy týraly aıtty, dep habarlaıdy QazAqparat tilshisi.
«Bala úsh aılyq. Aýrýhanaǵa bastyń jumsaq tinderiniń kógerýi belgilerimen tústi. Balalar neırohırýrgi qaraǵannan keıin úıine ambýlatorııalyq baqylaýǵa jiberildi. Balanyń jaǵdaıy qalypty», - dep habarlady qalalyq qoǵamdyq densaýlyq saqtaý basqarmasynan.
Eske salaıyq, jol apaty 16 naýryz kúni túski saǵat 13:20-da boldy. Moped júrgizýshisi Tóle bı kóshesimen shyǵys baǵytta kele jatyp, Brýsılovskıı kóshesinde ishinde úsh aılyq bala jatqan besikarbany soqqan.
Keıin, Polıtsııa qyzmetkerleri moped júrgizýshisin anyqtap, ony ustady. Er adam jazadan qorqyp, apat ornynan qashyp ketken.
