Dárigerler Almatyda koronavırýs juqtyrǵan naýqastardyń jaǵdaıy týraly aıtty
aALMATY. QazAqparat -Almatyda koronavırýs juqtyrǵan 2 naýqas pen 1 balanyń densaýlyǵy orta aýyrlyq jaǵdaıynda. Bul týraly Almatyda qalalyq qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
«Almaty qalasynda koronavırýs juqtyrǵan taǵy eki adam tirkeldi. Eki patsıent buǵan deıin osy indetti juqtyrǵan jandarmen baılanysta bolǵan. Olardyń barlyǵy statsıonarda karantınde jatty. Koronavırýs ınfektsııasyn anyqtaý jáne emdeý hattamasyna sáıkes, em-dom sharalary bastaldy. Eki patsıenttiń de jaǵdaıy qanaǵattanarlyq»,- dedi ol «Habar 24» telearnasynyń tikeleı efırinen.
Onyń dereginshe, búgingi tańda qalalyq juqpaly aýrýlar aýrýhanasynda 22, al balalar juqpaly aýrýlar aýhanasynda 2 bala jáne aýrý juqtyrǵan bir ana bar.
«Qazir eki naýqastyń jáne 1 balanyń densaýlyǵy orta aýyrlyq jaǵdaıynda. Qalǵan patsıentterdiń densaýlyǵy qanaǵattanarlyq. Búginde qalanyń provızorlyq gospıtalderinde karantınde 660, úı karantıninde 1 462 adam, qosymsha karantındik statsıonarlarda 778 adam bar. Karantınge oqshaýlanǵan barlyq azamattyń dene qyzýy qalypty jaǵdaıda, kataraldyq aýytqýlar joq», - dedi Tileýhan Ábildaev.
