Dárigerler Almatyda kólik qaqqan úsh adamnyń jaǵdaıy týraly aıtty
ALMATY. QazAqparat - Dárigerler Almatyda kólik qaǵyp ketken jaıaý júrginshilerdiń jaǵdaıy týraly aıtty, dep habarlaıdy QazAqparat tilshisi.
«Zardap shekken adamdar túrli dene jaraqatyn jáne travmatıkalyq shok alǵan. Ekeýi oblystyq statsıonarǵa jetkizildi, al taǵy bar adam №7 qalalyq klınıkalyq aýrýhanaǵa jatqyzyldy. Onyń qolynyń bilek tusy synyp, jabyq bas súıek-mı zaqymyn aldy. Statsıonarlyq em-dom alyp jatyr, jaǵdaıy aýyr», - delingen Almaty qoǵamdyq densaýlyq basqarmasynyń málimetinde.
Budan buryn habarlanǵandaı, Almaty qalasynda «Altyn orda» bazarynyń qasynda úsh adamdy kólik qaǵyp ketti.
