Dárigerler Almatyda kólik qaǵyp ketken balanyń jaǵdaıy týraly aıtty
ALMATY. QazAqparat- Almatylyq dárigerler Alma City turǵyn úı kesheniniń aýlasynda Daewoo Nexia júrgizýshisi qaǵyp ketken qyzdyń jaǵdaıyn baǵalady, dep habarlaıdy QazAqparat tilshisi.
Almaty qalalyq qoǵamdyq densaýlyq saqtaý basqarmasy zardap shegýshiniń qyz bala ekenin málim etti. Ol №2 qalalyq balalar klınıkalyq aýrýhanasynyń qabyldaý bólimine bas, ıyq jáne aıaq jaraqattarymen jetkizildi.
«Qabyldaý bóliminde kishkentaı qyzdy neırohırýrg, travmatolog jáne hırýrg qarady. Jaǵdaıy turaqty, esin biledi. Bas terisinde gematoma boldy. Rentgenografııa – eki proektsııada jasaldy. Tekserýden jáne medıtsınalyq kómekten keıin ol ambýlatorlyq emdeýge jiberildi», - dep habarlady Qoǵamdyq densaýlyq saqtaý basqarmasynyń baspasóz qyzmeti.
Buǵan deıin áleýmettik jelide Daewoo Nexia kóliginiń balany qaǵyp, oıyn alańyna kirip ketken vıdeosy paıda bolǵan.
