Dárigerler: Áleýmettik jeliler qarttardy qan qysymy men dıabetten qorǵaıdy
ASTANA. QazAqparat - Áleýmettik jeliler qarttardy qan qysymy men dıabetten qorǵaıdy. Bul týraly 591 eriktige zertteý júrgizgen Mıchıgan (AQSh) ýnıversıtetiniń ǵalymdary málimdedi.
Qatysýshylardyń ortasha jasy 68 jas bolǵan. Olar zamanaýı tehnologııalar jaıly suraqtarǵa jaýap bergen. Respondentterdiń 95%-dan astamy jańa tehnologııalarǵa kóńili tolatynyn aıtqan. 72%-y olardyń tilin úırenýge qarsy emestigin bildirgen.
Áleýmettik jelini qoldanatyn qatysýshylardyń ómirge degen qushtarlyǵy erekshe bolǵan. Olardyń arasynda depressııa men qan qysymynyń kóterilýi, dıabet sekildi sozylmaly aýrýmen aýyratyndar az.
Eriktiler áleýmettik jeliler men sóılesý quraldarynyń artyqshylyǵy kóp jáne jańa tehnologııalardy úırený paıdaly dep sanaıdy, dep jazdy MED daily.
