Dárigerler: álemdegi adamdardyń 95 paıyzynyń densaýlyǵynda kinárat bar
ASTANA. QazAqparat - Vashıngton ýnıversıtetiniń ǵalymdary Jer sharyndaǵy turǵyndardyń densaýlyq jaǵdaıyna taldaý jasap, olardyń 5 paıyzynyń ǵana deni saý degen toqtamǵa keldi.
Álemdegi adamdardyń 95 paıyzynyń densaýlyǵynda kinárat bar, olardyń shamamen úshten bir bóligi bir ýaqytta 5 jáne odan kóp aýrýlarǵa shaldyqqan.
Zertteýge sáıkes, álemdegi eń kóp taralǵan dertter qataryna anemııa, kúızelis jáne arqa aýrýlaryn jatqyzýǵa bolady. Olarǵa Jerdiń árbir altynshy turǵyny shaldyqqan. Sondaı-aq eń kóp taralǵan aýrýlardyń arasynda sýsamyr, tis jegisi, saqına (mıgren) jáne moıyndaǵy aýrýlardy ataýǵa bolady, dep habarlaıdy RIA Novostı.
Mamandardyń esepteýinshe, balalardyń 60 paıyzǵa jýyǵy dúnıege naýqas bolyp týylady, negizinen bul úshinshi álem elderinde oryn alatyn jaǵdaı.
Zertteý ǵasyrdyń sońǵy shıreginde syrqat jandardyń sany tez ósip jatqanyn kórsetti.
