Dárigerler aldaǵy ýaqytta qaǵazbastylyqtan arylady
«Jalpy, elimizdegi densaýlyq salasyndaǵy zańnamalar keńestik kezeńnen kele jatyr, zamanǵa saı ózgermegen. Máselen, kásipker óz bıznesin medıtsına salasynda ashqysy kelse kóptegen kedergige tap bolady. Sondyqtan qazirgi ýaqytta bul saladaǵy barlyq zańnamaǵa saraptama júrgizip, tekserý júrgizý qajet», - dedi ol QR Prezıdentiniń «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýyndaǵy mindetti áleýmettik medıtsınalyq saqtandyrý júıesin engizý máselelerine arnalǵan dóńgelek ústel aıasynda BAQ ókilderine bergen suhbatynda.
Onyń aıtýynsha, qazirgi ýaqytta Densaýlyq saqtaý mınıstrlik tarabynan eki úlken baǵytta jumystar atqarylmaq.
«Onyń biri - medıtsına salasyn tehnologııalyq jańǵyrtý. ıAǵnı, medıtsına qyzmetkerlerin qaǵazbastylyqtan aryltý, elektrondy aqparat almasýǵa kóshý bolyp otyr. Al ekinshi baǵyt - zańnamalardy ózgertý, olardy halyqaralyq tájirıbege sáıkestendirý. Óıtkeni, bizdegi keıbir talaptar shetelde joq. Mysaly, bizdegi talapqa sáıkes kez kelgen emhanada júrgizýshige arnalǵan bólme 10 sharshy metrden kem bolmaýy tıis. Mine, bizdiń zańnamamyzda osyndaı óreskeldikter de bar. Toq eterin aıtqanda, qajeti joq, negizsiz talaptardy joıýymyz kerek», - dedi ol.