Dárigerler Alakólde tas tıip, jaraqat alǵan qyzdyń jaǵdaıy týraly aıtty

ALMATY. QazAqparat- Alakól jaǵasynda mas er adamnyń laqtyrǵan tasynan zardap shekken 8 jasar qyz ambýlatorlyq emdelýge jiberildi, dep habarlaıdy QazAqparat tilshisi.

«Alakól aýdandyq aýrýhanasyna 2014 jyly týǵan qyz bala tústi. Kezekshi dáriger men hırýrg naýqasty tolyq qarap shyqty. Basyna tas tıip, jaraqat alǵan oqýshyǵa birden mı tomografııasy jasaldy. Oǵan oń jaq mańdaıynyń jaraqaty men jumsaq tinderiniń kógerýi dıagnozy qoıyldy. Ata-anasymen kelgen qyzǵa ambýlatorlyq em taǵaıyndaldy», - dep habarlady Almaty oblysynyń densaýlyq saqtaý basqarmasynyń baspasóz qyzmeti.

10 shilde kúni Aqshı aýylynda mas er adam bala-shaǵasy bar otbasy otyrǵan kólikke tas laqtyrǵan. Saldarynan 8 jasar qyz ben kólik zardap shekti.

Polıtseıler jedel-izdestirý barysynda Jarkent qalasynyń 28 jastaǵy turǵynyn ustady. Ol ishimdik ishkendikten, osyndaı buzaqylyq jasaǵanyn túsindirdi.