Dárigerler Aqtóbede jol apatyna túsken qyrǵyzstandyqtar týraly aıtty
AQTÓBE. QazAqparat – Samara-Shymkent tasjolyndakólik apatyna túsken eki áıeldiń jaǵdaıy aýyr, dep habarlaıdy QazAqparat tilshisi.
«Aýdandyq aýrýhanaǵa jeti adam tústi. Onyń beseýi hırýrgııa bólimine jatqyzyldy. Ekeýine ambýlatorııalyq em júrgizildi. Jaraqaty aýyr bes adamnyń bireýi 12 jastaǵy jasóspirim. Sondyqtan ol oblystyq balalar aýrýhanasyna jetkizildi. Balanyń san súıegi, ıyǵy synǵan, bas-mı jaraqaty bar. Ózge zardap shekkender de jabyq bas-mı jaraqatyn aldy. Eki áıeldiń jaǵdaıy aýyr», - dedi Yrǵyz aýdandyq aýrýhanasynyń reanımatologi Mádı Kúshenov.
Buǵan deıin habarlaǵanymyzdaı, Samara-Shymkent tasjolynyń 1053 shaqyrymynda, ıaǵnı Yrǵyz aýdanynyń Qalybaı aýyly mańynda «Toıota Alfard» kóliginiń júrgizýshisi rólge ıe bola almaı qalǵan. Saldarynan kólik aýdarylyp, oqıǵa ornynda bir jolaýshy kóz jumdy. Qazir zardap shekken naýqastar aýdandyq aýrýhanada em qabyldap jatyr.
