Dárigerler Aqtóbede soqtyǵysqan Kamaz ben avtobýs jolaýshylarynyń jaǵdaıyn aıtty
AQTÓBE. QazAqparat - Aqtóbe qalasynyń ortalyǵynda qoǵamdyq kólik men KamAZ soqtyǵysyp, 3 adam aýrýhanaǵa jetkizildi. Olardyń jaǵdaıy ortasha aýyr, dep habarlaıdy QazAqparat tilshisi.
Keshe qala ortalyǵynda avtobýs pen KamAZ túıisip, birneshe jolaýshy zardap shekken bolatyn. Buǵan deıin habarlaǵanymyzdaı, úsh jolaýshyǵa medtsınalyq kórsetilip, olar aýrýhanaǵa tústi.
«Jedel járdem qyzmeti jol-kólik oqıǵasy bolǵan jerge 10 mınýtqa jetpeı bardy. 47 jastaǵy S.Ótepovanyń oń tizesi zaqymdandy. Al 46 jastaǵy N.Nurjanov jabyq bas-mı jaraqatyn aldy. Betindegi jumsaq tinderi jyrtyldy. Al 67 jastaǵy jolaýshy A.Zýbkovanyń jambasy zaqymdandy. Báriniń jaǵdaıy ortasha aýyr»,- dep habarlady oblystyq densaýlyq saqtaý basqarmasynyń baspasóz qyzmeti.
