Dárigerler 9 jasar balanyń keýdesinen esik tutqasyn ota jasap alyp shyqty
ASTANA. QazAqparat - Reseıdiń Sverdlov oblysynda №1 oblystyq balalar klınıkalyq aýrýhanasynda hırýrgter toǵyz jasar balanyń keýde qýysynan esik tutqasyn alyp tastaý úshin ota jasady.
Tergeý aqparatynsha, bala mektepte synyptastarymen oınap júrgende esiktiń temir tutqasyna soǵylǵan, al onyń bir bólshegi balanyń keýdesinde qalyp qoıǵan.
Bala aýrýhanaǵa jetkizilip, rentgen jasalǵan soń onyń keýdesinde uzyndyǵy 10 sm, eni 2 sm bolatyn esik tutqasynyń bir bóligi qalyp qoıǵany anyqtaldy.
Tutqa júrek pen ókpege tımegendikten, dárigerler balanyń ómirin qutqaryp qaldy, dep habarlaıdy informing.ru.
Atap óteıik, qazir bala ota jasalǵannan keıingi kezeńde emdelip jatyr. Onyń jaǵdaıyn aq halattylar «qanaǵattanarlyq» dep baǵalady.
