Dárigerler 80 mınýt boıy soqpaǵan júrekti «qaıta tiriltti»
ASTANA. 30 jeltoqsan. QazAqparat - Brıtandyq dárigerler 50 elektr razrıadymen 1,5 saǵat buryn júregi toqtap qalǵan 60 jastaǵy er adamdy ólim aýzynan alyp qaldy.
Er adamnyń sózine qaraǵanda, ol úıinde jubaıymen áńgimelesip otyrǵan kezinde keýde tusynan qatty shanshýdy sezingen. Zeınetker jubaıyna jedel járdem qyzmetin shaqyrýdy suramaq bolǵanymen, etpetinen qulap, esinen tanyp qalǵan.
Er adamnyń úıine kelgen dárigerler ony ajaldan qutqarmaq bolǵanymen, ol ómir súrýdiń eshbir belgilerin tanytpady. Mamandar er adamdy qutqarmaqqa árekettenip, 30 ret elektr zarıadyn bergen.
Er adam Northampton General Hospital aýrýhanasyna jetkizilgennen keıin, dárigerler emdelýshiniń óldi dep tirkegen.
- Biz ınfarkt alǵan er adamnyń qaıta tynys alyp, o, dúnıeden qaıta oralǵanyn kórgende qatty tańyrqap tipti eseńgirep qaldyq. Jalpy alǵanda onyń júregi 80 mınýt boıy soqpady, - dedi dáriger Domınık Koks.
9 kún ótken soń ólim aýzynan aman qalǵan zeınetkerdiń densaýlyǵy túzele bastady, dep habarlady sheteldik BAQ.
