Dárigerler 5-qabattan qulaǵan qostanaılyqtyń ómirin saqtap qala almady
QOSTANAI. QazAqparat - Qostanaıda úıdiń besinshi qabatynan qulaǵan turǵyn qaza tapty, dep habarlaıdy QazAqparat tilshisi.
Qaıǵyly oqıǵa 26 qazan kúni Qostanaı qalasynda boldy. Bul derekti oblystyq ІІD baspasóz qyzmetindegiler rastady. Mán-jaı anyqtalýda.
41 jastaǵy er adam 5-shaǵyn aýdandaǵy turǵyn úıdiń besinshi qabatynan qulap ketken. Ol Qostanaı qalalyq aýrýhanasyna jetkizildi.
Travmatologııa bóliminiń meńgerýshisi Maral Ábilqasymovtyń sózinshe, zardap shegýshi emdeý ornyna kúndiz jetkizilgen.
«Onyń jaraqaty óte aýyr boldy. Bas mıyna zaqym kelgen, jabyq bassúıek-mı jaraqatyn alǵan jáne kóp qabyrǵalary synǵan. Ol aýrýhanada kóz jumdy», - dedi Maral Ábilqasymov.
Atalǵan fakti boıynsha polıtsııa qyzmetkerleri QR QK 105-baby boıynsha sotqa deıingi tergeý amaldaryn júrgizýde.
