Dárigerler 3 jasar sábıdiń asqazanynan magnıt bilezik alyp shyqty
ALMATY. QazAqparat – Almatyda 3 jastaǵy bala magnıt bilezik jutyp qoıǵan. Dárigerler shuǵyl ota jasap bógde zatty alyp shyqty, dep habarlaıdy QazAqparat tilshisi.
Balalarǵa shuǵyl medıtsınalyq kómek kórsetý ortalyǵyna 3 jasar balanyń anasy júgingen.
Rentgenografııa jasaǵan kezde balanyń asqazanynda magnıt batareıa bary anyqtaldy.
Dárigerler balaǵa shuǵyl ota jasap, asqazanyndaǵy bógde zatty alyp shyqty.
«Magnıttik zattardy alǵan kezde bir qıyndyq bar. Magnıtter hırýrgııalyq ınstrýmentterge jabysady. Sondyqtan, endoskopııalyq jolmen, tiliksiz ota jasaý múmkin emes boldy», - dedi Balalarǵa shuǵyl medıtsınalyq kómek kórsetý ortalyǵynyń qabyldaý bóliminiń meńgerýshisi Meıirjan Qurmanálıev.
Qazir balanyń densaýlyǵy qalypty. Jaqynda úıine shyǵarylady.
Mamandardyń aıtýynsha, karantın kezinde bógde zat jutyp qoıyp keletin balalar sany sıregen.
Bul ata-analardyń balasynyń qasynda otyrǵanyn bildirse kerek.
Dárigerler tıyn, shar, metal, monshaq sııaqty zattardy balalardan qashyq ustaý kerektigin eskertti.
